Stadt Lenzburg
14.07.2021

Jugendfestsprüche 2021

Klare Aussage: Spruch am Alten Amtshausbrunnen.Foto: Fritz Thut

Klare Aussage: Spruch am Alten Amtshausbrunnen.Foto: Fritz Thut

Stadtbibliothek

E Lösig ohni Fehl und Tadel:

D Kanti goht zum Hünerwadel.

De Stadtrot zieht – chunsch do no drus?

Als Zirkus-Show is Stapferhus.

Kirchgasse

I Love You gendfescht;

mir wänd di zrugg ganz fescht,

wänd fire, lache, zäme si –

Hau ab, du doofi Pandemie!

Untere Rathausgasse

D Barbara und d Bea händs im Sinn,

dezue no d Sabine und d Corin.

Fürs Stimmvolk isch da nid e Qual:

Hür gits sicher Damewahl!

Hirschen

Ländlich-konservativ gelte

mir Lenzburger nid selte.

Urban-progressiv sind konträr

bi eus nume d Stadtrot-Salär.

Hächler/Schneider

Stadtrot werde möcht i scho,

Würd vil Chöle übercho.

Chance han i keini, leider:

Uf Smartvote fehlt mi Spider.

Ochsen

Uf en Bsuech im Ochsegarte

han i ewig müesse warte.

Missgönnt het das Chäberli

mir Cordon-Bleu und Läberli.

De Tschuttirase wird saniert,

vo de Stadt tür finanziert:

FCL nid lamentiere,

de CR7 akquiriere!

Altersheim-Brunnen

Lo di impfe oder teschte –

de chasch mit em Grosi feschte!

Chlausbrunnen

E Kanti sötts im Züghus geh –

Doch alti Chläus blockiere.

Si wänd de Juged d Zuekunft neh –

Das tuet eim schier schiniere.

Moritzbrunnen (Ortellibrunnen)

E Woche wird kämpft ufem Gofi;

So lang chame nume mit Ovi.

Sodbrunnen Lindenplatz

Es Manöver ohni Publikum

blibt hoffetli es Unikum.

Kronenbrunnen

D‘ Gastro het Zwangspause gha,

d’Stüehl mit Absperrbänder dra.

Take-away isch gfroget gsi,

zum Glück isch das jetzt verbi.

Schützenmattbrunnen

Manöver nur am Gofistutz,

sind wie WK ohni Kafi Luz.

Alter Amtshausbrunnen

Bildig vor Profit!

Die Kanti wär de Hit!